03.11.2024-cü il tarixində Föqvqaladə Hallar Nazirliyinin İdman-Sağlamlıq Mərkəzində Azərbaycan Karate Federasiyasının (AKF) təşkilatçılığı ilə əziz şəhidimiz Elfaq Nağıyevin xatirəsinə həsr edilmiş karate turniri keçirilib.
Tədbirdə Elfaq Nağıyevin valideynləri atası Azad Nağıyev, anası Aytəkin Nağıyeva, Milli Məclisin deputatı, Azərbaycan Karate Federasiyasının prezidenti Ülvi Quliyev, Milli Məclisin Gənclər və İdman Komitəsinin sədri Şahin İsmayılov, deputatlar Göydəniz Qəhrəmanov, Pərvanə Vəliyeva, Mehriban Vəliyeva, Sevinc Fətəliyeva, Sevinc Hüseynova və 40-a yaxın şəhid ailə üzvləri, qazilər və idman ictimaiyyətinin nümayəndələri iştirak ediblər.
Turnirdə ümumilikdə 400-dən çox karateçi Azərbaycan Karate Federasiyası tərəfindən şəhidimizin xatirəsinə xüsusi təsis edilmiş medallar uğrunda gərgin mübarizə aparıb.
