Güləşçilərimiz Avropa çempionatının finalında!

Bu gün Albaniyanın paytaxtı Tirana şəhərində güləş üzrə U-23 Avropa çempionatına start verilib.

XEBERTV.AZ Axar.az-a istinadən xəbər verir ki, ilk yarış günündə sərbəst güləş üzrə 57, 65, 70, 79 və 97 kiloqramda finalçılar müəyyənləşib.

Azərbaycanın iki təmsilçisi qitə çempionatında finala vəsiqə qazanıb. Kənan Heybətov (70 kiloqram) və Fərid Cabbarov (79 kiloqram) qızıl medal uğrunda mübarizə aparacaqlar. Onlar müvafiq olaraq, rusiyalı Maqomed Eltemirov və Arsen Balayanla üz-üzə gələcəklər.

Təsəlliverici görüşlərdə Rəhman İmanov (57 kiloqram) Şimali Makedoniya təmsilçisi Stefan Şterjovla, Murad Haqverdiyev (65 kiloqram) ukraynalı Mikita Qonçarovla güləşəcək.

BAKI-XEBERTV.AZ

22 fevral tarixində Yaponiyanın Azərbaycandakı Səfirliyi və Azərbaycan Yapon Döyüş Növləri və Mədəniyyəti Assosiasiyasının birgə təşkilatçılığı, Azərbaycan Gənclər və İdman Nazirliyinin təşkilatı dəstəyi ilə Su İdmanı Sarayında Masanori Yasuenin təqdimatında kendo üzrə seminar baş tutub.

Əvvəlcə Kendo müəllimi Masanori Yasue seminar iştirakçılarına Yaponiyanın qədim samuray fəlsəfəsini özündə ehtiva edən buşido, budo konsepləri, budo ilə idman arasında fərqləri izah edib. Daha sonra ənənəvi yapon döyüş növü olan kendo haqqında məlumat verib. İştirakçılar tərəfindən böyük maraqla qarşılanan seminarın yekununda Masanori Yasue bir neçə şəxslərlə kendo texnikalarını sınayıb, qədim samurayların döyüş yolunu izah edib. İlk dəfə regiona təşrif buyuran 8-ci dan kendo müəllimi ölkəmiz haqqında bu fikirləri səsləndirib:

“8 yaşımdan kendo idman növü ilə məşğulam, hazırda 63 yaşım var. Azərbaycanda döyüş növləri təqdirəlayiq şəkildə inkişaf edib. Cüdo, boks, güləş kimi idman növləri bu coğrafiyada məşhurdur. Bütün bunlardan xəbərdaram. Ümid edirəm ki, kendo idman növü də Azərbaycanda inkişaf edər. Bunun üçün yaradılan şərait və insanlarda olan maraq yüksəkdir. Düşünürəm ki, gələcək illərdə kendo ilə məşğul olan şəxslərin sayı çoxalacaq və dünya miqyaslı turnirlərdə iştirak etmək şansları olacaq”.

Seminardan sonra Azərbaycan Yapon Döyüş Növləri və Mədəniyyəti Assosiasiyasının vitse-prezidenti Ülvi Ağamirov kendo müəllimi Masanori Yasueyə xatirə hədiyyəsi təqdim edib.

Hazırladı.

Billurə Hüseynova

"Real" Arda ilə bağlı istədiyi təklifi aldı - Bu kluba gedir

AFFA-dan bu kluba xəbərdarlıq

AFFA Azərbaycan I Liqasında mübarizə aparan “İmişli” klubuna xəbərdarlıq edib.

XEBERTV.AZ Axar.az-a istinadən xəbər verir ki, bu barədə qurumun İntizam Komitəsinin iclasında qərar çıxarılıb.

Buna fevralın 13-də I Liqanın XIV turunda baş tutan “Qəbələ” ilə matçın 58-ci dəqiqəsində “İmişli”nin azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndiriliməsi səbəb olub. Bu hal cari mövsümdə ilk dəfə yaşandığına görə AFFA bölgə təmsilçisinə xəbərdarlıqla kifayətlənib.

Sözügedən görüşün 49-cu dəqiqəsində “Qəbələ” klubunun məşqçisi Amil Ağacanov ikinci sarıdan qırmızı vərəqə aldığı üçün 1 oyun cəzalanıb. “Qəbələ” isə 100 manat cərimələnib.

“Zaqatala”-“Difai” oyununda isə 4 futbolçusu sarı vərəqə ilə cəzalandırıldığına görə qonaqlar 70 manat cərimələnib.

UEFA 9 klubumuza ödəniş etdi: "Qarabağ" yoxdur...

UEFA “Həmrəylik ödəmələri və uşaq futbolunun inkişafı” proqramı çərçivəsində “Qarabağ”dan başqa 9 Azərbaycan klubuna ödəniş edib.

XEBERTV.AZ Axar.az-a istinadən xəbər verir ki, 2023/2024-cü illər mövsümü üçün ayrılmış 1.955.000 avro maliyyə vəsaiti AFFA-nın vasitəçiliyi ilə klubların hesabına köçürülüb.

“Neftçi”, “Səbail”, “Qəbələ”, “Sumqayıt”, “Sabah”, “Araz-Naxçıvan”, “Zirə”, “Turan Tovuz” və “Kəpəz” klublarının hər birinə 217.222.22 avro çatıb.

Azərbaycan Kuboku: "Neftçi" səfərdə qalib gəldi

Azərbaycan Kubokunun 1/4 final mərhələsində ilk matçı keçirilib.

XEBERTV.AZ Axar.az-a istinadən xəbər verir ki, "Neftçi" səfərdə "Kəpəz"ə 2-0 hesabı ilə qalib gəlib.

Qeyd edək ki, günün ikinci qarşılaşması "Sabah" "Sumqayıt"ı qəbul edəcək. Görüş saat 18:30-da start götürəcək.

Şahmat üzrə Azərbaycan çempionatının açılış mərasimi keçirilib.

XEBERTV.A Axar.az-a istinadən xəbər verir ki, tədbirdə gənclər və idman naziri Fərid Qayıbov, Azərbaycan Şahmat Federasiyasının prezidenti Mahir Məmmədov, şahmatçılar, məşqçilər və digər rəsmi şəxslər iştirak ediblər.

İlk olaraq Dövlət Himni səsləndirilib. Ardınca şəhidlərin ruhu bir dəqiqəlik sükutla yad olunub.

Mahir Məmmədov çıxış edərək tədbir iştirakçılarını salamlayıb: "Çox şadam ki, güclü şahmatçılar çempionatda iştirak edəcəklər. Buna nail olmaq üçün xeyli işləməli olduq. Azərbaycanın hüdudlarından kənarda yaşayan şahmatçılar da gəliblər. Bu da sevindirici haldır. Bu, kişilər arasında Azərbaycanın 80-ci, qadınlar arasında 75-ci çempionatıdır. Yarışın ədalətli keçməsini istəyirik. Şahmatçıların taxta arxasında döyüşkən və fəal mübarizə aparacağına ümid edirik. Əsl idman mübarizəsi olacaq. Maraqlı partiyalar görəcəyik. Hamınıza uğurlar arzulayıram".

Fərid Qayıbov ölkə başçısının hər il idmançılarla görüşdüyünü söyləyib: "Təltif olunan arasında şahmatçımız da oldu. Daha yaxşı nəticələr əldə edəcəyimizə inanıram. Azərbaycan Şahmat Federasiyası yaxşı işlər görür. Azərbaycan çempionatının səviyyəsi qalxıb, şahmatçılarımız da buna layiqdirlər. Bu idman növü çox məşhur. Şahmatda nəticələrimiz ildən-ilə yaxşılaşır. Bizi maraqlı çempionat gözləyir".

Son olaraq turnirin tanıtım videoçarxı nümayiş etdirilib.

Qeyd edək ki, ölkə çempionatında 1-ci mərhələnin oyunları fevralın 1-i saat 15:00-da start götürəcək. Kişilərin yarışının mükafat fondu 60 min, qadınlarda isə 30 min manat təşkil edir. Kişilərdə 26, qadınlarda 16 qrossmeyster ölkə çempionu adı uğrunda mübarizə aparacaq.

Ronaldo daha bir tarixi rekorda imza atdı

"Əl-Nəsr"in futbolçusu Kristiano Ronaldo daha bir tarixi rekorda imza atıb.

XEBERTV.AZ Publika.az-a istinadən xəbər verir ki, bu, onun çıxış etdiyi komandanın Səudiyyə Ərəbistanı çempionatının son turunda səfərdə "Əl-Raed"ə 2:1 hesabı ilə qalib gəlməsindən sonra reallaşıb. Bu görüşdə fərqlənərək karyerasındakı 921-ci qolunu vuran Ronaldo eyni zamanda tarixi rekorda nail olub.

Əfsanəvi portuqaliyalı futbolçu tarixdə klub səviyyəsində 700 qalibiyyət həddinə çatan ilk futbolçu olub. Fevralın 5-də 40 yaşı tamam olacaq Ronaldo “Sportinq”lə 13, “Mançester Yunayted”lə 214, “Real”la 316, “Yuventus”la 91, “Əl Nəsr”lə 66 oyunda qalib gəlib.

"Qarabağ" "Turan Tovuz"a uduzdu

"Qarabağ" Misli Premyer Liqasında "Turan Tovuz"a uduzub.

XEBERTV.AZ Axar.az-a istinadən xəbər verir ki, Qurban Qurbanovun baş məşqçisi olduğu komanda XX turda Tovuz təmsilçisinə məğlub olub.

Qarşılaşma qonaqların 2:1 hesablı qələbəsi ilə yekunlaşıb.

Bu nəticədən sonra "Qarabağ" 50 xalla liderdir. Tovuz klubu 35 xalla dördüncü sıradadır.

Qeyd edək ki, günün ilk matçında "Neftçi" "Araz-Naxçıvan"a uduzub - 1:2. Əvvəlki oyunlarda "Zirə" səfərdə "Şamaxı"nı 2:1, "Səbail" evdə "Kəpəz"i 1:0 hesabı ilə üstələyib. "Sabah" - "Sumqayıt" matçında hesab açılmayıb.