10 -06-2024- BAKI-XEBERTV.AZ
Qusar rayonunda kyokuşinkay karate üzrə şimal açıq turniri keçirilib
Quba-Xaçmaz Regional Gənclər və İdman İdarəsinin və Azərbaycan Karate Federasiyasının birgə təşkilatçılığı ilə, Qusar Olimpiya İdman Kompleksində "KWU-WFKF" Birliyinin kyokuşinkay karate üzrə Gənclər və İdman Nazirliyinin yaradılmasının 30 illik yubileyinə həsr olunmuş şimal açıq turniri keçirilib.
Turnirin açılış mərasimində Quba-Xaçmaz Regional Gənclər və İdman İdarəsinin rəisi Nəcəf Novruzov, Azərbaycan Karate Federasiyasının baş katibi Qabil Sayadov, AKF-in Hüquq və İntizam Komitəsinin sədri Həmdiyyə Məmmədov, AKF-in prezidentinin köməkçisi Vüsal Abdullazadə, Qusar Olimpiya İdman Kompleksinin direktoru Elşən Məmmədov, hakimlər, məşqçi-müəllimlər, idmançılar iştirak ediblər.
Yarışda Bakı, Sumqayıt şəhərlərindən, Astara, Xaçmaz, Şabran və Abşeron rayonlarından 200 nəfərə yaxın idmançı 6 yaş qrupu üzrə 30 çəki dərəcəsində mübarizə aparıb.
Yarışın sonunda qaliblər təşkilatçılar tərəfindən müvafiq dərəcəli diplom və medallarla təltif olunublar.
Hazırladı
