BAKI-XEBERTV.AZ
Bakıda Küveytin Milli Günü keçirilib
Bakıda Küveytin 64-cü Milli Günü və 34-cü Qurtuluş Gününün ildönümü münasibətilə tədbir keçirilib.
Tədbirin açılış mərasimində hər iki ölkənin dövlət himnləri səsləndirilib.
Daha sonra isə Küveytin Azərbaycandakı fövqəladə və səlahiyyətli səfiri Məhəmməd Feysal əl-Mutairi iki dövlət arasında müxtəlif sahələrdə əməkdaşlığa toxunub. Səfir Küveytdən Azərbaycana turist axının artdığını bildirib.
Azərbaycan xarici işlər nazirinin müavini Yalçın Rəfiyev dost və qardaş Küveyt dövlətini əlamətdar gün münasibətilə təbrik edib.O, iki ölkə arasında münasibətlərin dostluq və qarşılıqlı hörmət prinsiplərinə əsaslandığını bildirdi. Tədbir ziyafətlə davam edib.
Müəllif: İsmayıl Zaman
