Çində yaşayan azərbaycanlılar Türkiyəyə yardım göndərib

Azərbaycanda olduğu kimi, xaricdə yaşayan soydaşlarımız da Türkiyədə baş vermiş dəhşətli zəlzələ ilə əlaqədar zərərçəkənlərə yardım kampaniyaları həyata keçirir.

AZƏRTAC xəbər verir ki, Çində yaşayan və təhsil alan azərbaycanlılar bu ölkədəki Türkiyə vətəndaşları ilə birgə yardım kampaniyasına başlayıblar. Kampaniya çərçivəsində zəlzələ bölgəsində zərərçəkənlərin yerləşdirilməsi üçün ilkin mərhələdə çadırlar alınaraq, Türkiyəyə yola salınıb. Növbəti mərhələdə digər lazımi əşyalar qardaş ölkəyə göndəriləcək.