Ruqiyyə Seyidovanın şərəfi ömür yolu
Azərbaycanın istedadlı, vətənpərvər və işgüzar övladlarından söhbət düşəndə Balakən rayonu Tülü kəndinin yetirməsi Ruqiyyə Seyidovanın da adı hörmətlə qeyd olunur. Ruqiyyə xanım 1955-ci il yanvarın 26-da doğulub, ixtisasca kimya müəllimidir. O, bir müddət təhsil sektorunda çalışıb. Daha sonra fəaliyyətini Balakən rayon Mədəniyyət Şöbəsinin müdiri olaraq davam etdirib. 1998-ci ildə, Azərbaycan Qadınlarının I Qurultayında Ümummilli lider Heydər Əliyevlə görüşən xanım Ruqiyyə Seyidova, Qalib Ali Baş Komandan, Prezident İlham Əliyevin Balakən rayonuna səfəri zamanı həmsöhbət olmaq imkanını əldə etmişdir. Ruqiyyə xanımın ömür-gün yoldaşı, el ağsaqqalı Tahir İbrahimov isə uzun müddət Balakən Tütün Kombinatında işləyib.Hər iki şəxs, hazırda təqaüddədir. Onların 2 qız övladları var. Yanvarın 26-ı Ruqiyyə Seyidovanın 70 yaşı tamam oldu. Biz, dostlar adından dəyərli xanım Ruqiyyə Seyidovanı təbrik edir, ən xoş arzularımızı bildririk. Sizin kimi xeyirxah insanları Allah özü pənahında saxlasın, dəyərli Ruqiyyə xanım. Amin. Hörmətlə,
BAKİ-XEBERTV.AZ
Şamil Sabiroğlu, jurnalist.
Bakı, 26 yanvar 2025-ci il.
