Münaqişənin gərginləşməsində maraqlı olan bəzi ölkələr Rusiya və ABŞ prezidentləri Vladimir Putin və Donald Tramp arasında planlaşdırılan görüşü pozmaq üçün təxribatlar və dezinformasiyaların yayılması da daxil olmaqla, mümkün olan bütün səyləri göstərəcəklər.
XEBERTV.AZ xəbər verir ki, bunu "Telegram" kanalında Rusiya Birbaşa İnvestisiya Fondunun rəhbəri Kirill Dmitriyev deyib.
“Əlbəttə, münaqişənin davam etdirilməsində maraqlı olan bir sıra ölkələr prezident Putinlə prezident Tramp arasında planlaşdırılan görüşü pozmaq üçün titanik səylər göstərəcəklər”, - Dmitriyev yazıb.
Qeyd edək ki, Kreml və Ağ Ev prezidentlərin avqustun 15-də Alyaskada danışıqlar aparacağını təsdiqləyib.
