Rusiya Prezidenti Vladimir Putin avqustun 31-dən sentyabrın 1-dək Bişkekdə səfərdə olacaq.
XEBERTV.AZ xəbər verir ki, Putin avqustun 31-də Çin lideri Si Cinpinlə görüşəcək. Tərəflər ikitərəfli əməkdaşlığı və beynəlxalq gündəmdəki məsələləri müzakirə edəcəklər. Həmin gün Putinin Hindistanın Baş naziri Narendra Modi ilə də görüşü planlaşdırılır.
Sentyabrın 1-də isə Rusiya liderinin Türkiyə Prezidenti Rəcəb Tayyib Ərdoğan və İran Prezidenti Məsud Pezeşkianla danışıqlar aparacağı bildirilir. Ərdoğanla görüşdə Qara dənizdəki vəziyyət, Ukrayna münaqişəsi və ikitərəfli iqtisadi əlaqələr, Pezeşkianla görüşdə isə Yaxın Şərqdəki gərginlik və Tehran ətrafındakı vəziyyət müzakirə olunacaq.
Putin Bişkekdə Şanxay Əməkdaşlıq Təşkilatının sammitində də iştirak edəcək.
