Fransa ordusunun Ukraynaya yeridilməsi – 4 ssenari

İsveçrənin NZZ nəşri Fransa qoşunlarının Ukraynaya daxil olması halında hadisələrin inkişaf edə biləcəyi dörd ssenarini təsvir edib.

   XEBERTV.AZ   xəbər verir ki, birinci ssenari Belarus ərazisindən Rusiya qüvvələrinin mümkün hücumunun qarşısını almaq üçün Fransa kontingentinin Kiyevin şimalına yerləşdirilməsini nəzərdə tutur. Belə olan halda, bəzi ekspertlərin əvvəllər də qeyd etdiyi kimi, Ukrayna oradakı öz qoşunlarını ön xəttə köçürə biləcək.

İkinci variantda Fransa qüvvələri Ukrayna cəbhəsinin sıçrayışının mümkün olduğu Zaporojye istiqamətində ehtiyat qüvvə rolunu oynayacaq.

Üçüncü variant Odessanın fransız hərbçiləri tərəfindən mühafizəsini nəzərdə tutur. Daha əvvəl KİV-lər yazıblar ki, Makron guya ətrafı ilə qeyri-rəsmi söhbətində “uşaqları Odessaya göndərməli” olduğunu deyib.

Dördüncü ssenari Fransa bölmələrinin Moldovada yerləşdirilməsini nəzərdə tutur.

axar.az