Xalça Muzeyində növbəti mühazirə
- 13.02.2023, 22:15,
- Mədəniyyət
Azərbaycan Milli Xalça Muzeyində “Orta əsrlərdə Yaxın Şərqdə gümüş böhranı və onun Şirvanşahlar dövlətinin tarixinə və sikkələrinə təsiri” adlı mühazirə keçirilib.
Xalça Muzeyindən AZƏRTAC-a bildirilib ki, mühazirə Azərbaycan Filateliya İttifaqı nəzdində “Filateliya və numizmatika” klubunun üzvü Rüstəm Hüseynov tərəfindən təqdim olunub.
O, Şərq ölkələri tarixində baş vermiş fenomen bir hadisə - “gümüş böhranı” və həmin dövrdə Şirvanşahlar dövlətinin öz sikkələrini zərb etməyə başlaması, tədricən bütün regiona böyük təsir göstərən, qonşu ölkələr üçün örnək olan müxtəlif nominallı sikkələr sisteminin yaradılması barədə təfərrüatlı məlumat verib.
Reytinq:
