Bakıdakı Rus evində şair Sahib Məmmədov ustad dərsləri keçəcək
- 10.02.2023, 02:45,
- Mədəniyyət
Fevralın 11-də Bakıdakı Rus evində Azərbaycan Yazıçılar Birliyinin, Rusiya Yazıçılar İttifaqının və Beynəlmiləl Yazıçılar İttifaqının üzvü şair Sahib Məmmədovun ustad dərsi təşkil olunacaq.
Bu barədə AZƏRTAC-a Rusiya İnformasiya-Mədəniyyət Mərkəzinin mətbuat xidmətində bildiriblər.
O, gənc şairlərə şeir sənətinin əsas qaydaları və bədii yaradıcılıq xüsusiyyətləri barədə söhbət açacaq.
Sahib Məmmədov 1986-cı ildə Bakıda anadan olub. Azərbaycan Dövlət İqtisad Universitetinin məzunu, boks üzrə idman ustası, “Nəsimi” festivalının iki dəfə qalibi, Bakıda keçirilən “LiFFt” IV Avrasiya ədəbiyyat festivalının mükafatının laureatıdır.
© Materiallardan istifadə edərkən hiperlinklə istinad olunmalıdır
Reytinq:
