ÜST rəhbəri meymunçiçəyinin yayılması ilə bağlı fövqəladə vəziyyət elan edib

Ümumdünya Səhiyyə Təşkilatının (ÜST) baş direktoru Tedros Adhanom Qebreyesus meymunçiçəyi ilə bağlı səhiyyə sahəsində beynəlxalq miqyasda narahatlıq doğuran fövqəladə vəziyyət elan edib.

Bu barədə ÜST-un baş direktoru brifinq zamanı bildirib.
"Bizim çox az anlayışımız olan və beynəlxalq sağlamlıq qaydalarına uyğun meyarlara cavab verən yeni ötürülmə üsulları vasitəsilə dünyada sürətlə yayılan bir epidemiyamız var. Bu səbəblərə görə mən qərara gəldim ki, meymunçiçəyi qlobal epidemiyası beynəlxalq narahatlıq doğuran ictimai səhiyyə fövqəladə halını təşkil edir", - deyə o qeyd edib.