• 20:05 – UEFA 9 klubumuza ödəniş etdi: "Qarabağ" yoxdur... 
  • 19:59 – Tramp Avropa siyasi elitasının fikirini dəyişəcək – Orban 
  • 19:56 – Ukrayna əvvəlki sərhədlərinə qayıda bilməyəcək - ABŞ 
  • 19:53 – Bakı-Tbilisi-Bakı qatar reysləri fəaliyyətə başlaya bilər 

İngiltərə millisi dörddəbir finalda Fransaya rəqib olub

İngiltərə millisi Qətərdə keçirilən dünya çempionatının dörddəbir final mərhələsinə vəsiqə qazanıb.
AZƏRTAC xəbər verir ki, çempionatın pley-off mərhələsi çərçivəsində İngiltərə millisi “Əl Beyt” stadionunda Seneqal yığması ilə üz-üzə gəlib.
Salvadorlu baş hakim İvan Bartonun idarə etdiyi oyunda hesab 39-cu dəqiqədə açılıb. Cordan Henderson İngiltərə millisini hesabda önə keçirib. Matçın 45+3-cü dəqiqəsində Harri Keyn baxımlı qola imza ataraq hesab arasındakı fərqi artırıb. İngiltərə seçməsi fasiləyə 2:0 hesablı üstünlüklə yollanıb.
Qarşılıqlı hücumlar şəraitində keçən oyunun 57-ci dəqiqəsində ingiltərəli futbolçu Bukayo Saka üçüncü topu Seneqal millisinin qapısından keçirib. Bu, matçda vurulan sonuncu qol olub.
Beləliklə, İngiltərə millisi Seneqal yığmasına 3:0 hesabı ilə qalib gələrək mərhələ adlayıb. Dörddəbir final mərhələsində İngiltərə millisi Fransa seçməsi ilə qarşılaşacaq.
Qeyd edək ki, artıq Niderland və Argentina seçmələri dörddəbir finala vəsiqə qazanıb və bir-birinə rəqib olublar.
© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin
Reytinq: 
Son xəbərlər
bütün xəbərlər →