"Real Madrid"də gözlədiyi oyun vaxtını ala bilməyən Arda Güler üçün yeni bir mərhələ başlayır.

XEBERTV.AZ Bildirir ki, bu barədə Milli.Az xarici mediaya istinadla xəbər verir ki, klub rəhbərliyi futbolçunun inkişafını sürətləndirmək və daha çox oyun təcrübəsi qazanması üçün onu icarəyə vermək qərarına gəlib. Gənc futbolçunun yeni ünvanının "Real Sociedad" olacağı bildirilir.

İspaniyanın nüfuzlu xəbər mənbələrinin verdiyi məlumata görə, Karlo Ançelottinin komandada qalmasından asılı olmayaraq, Ardanın icarəyə verilməsi qərarı artıq təsdiqlənib. "Real Madrid" rəhbərliyi Ardanın müntəzəm oyun praktikası əldə etməsini və özünü daha yaxşı sübut etməsini istəyir.

"Real Sociedad"da daha çox oyun vaxtı qazanmaq, Arda Güler üçün həm karyerasını inkişaf etdirmək, həm də La Liqada öz potensialını nümayiş etdirmək üçün böyük bir fürsət olacaq. 

Gələcək aylarda Ardanın necə bir çıxış göstərəcəyi böyük maraqla izləniləcək.