Futbol üzrə Azərbaycan Premyer Liqasında XIII turun daha bir matçı baş tutub.
XEBERTV.AZ xəbər verir ki, günün ilk qarşılaşmasında "Neftçi" "Sumqayıt"ı qəbul edib.
Qarşılaşma qonaqların 2-1 hesablı qələbəsi ilə başa çatıb.
Bu nəticədən sonra xallarının sayını 21-ə çatdıran "Sumqayıt" üçüncü pillədəki "Səbail"ə çatıb. "Neftçi" isə 18 xalla altıncı sırada qərarlaşıb.
Qeyd edək ki, günün ikinci matçında "Turan Tovuz" "Sabah"ı qəbul edəcək. Turun “Zirə” – “Qəbələ” və “Qarabağ” – “Səbail” oyunları noyabrın 12-də gerçəkləşəcək. Ötən gün açılış matçında "Kəpəz" "Araz-Naxçıvan"ı minimal hesabla üstələyib - 1:0.
***
Günün ikinci qarşılaşmasında "Turan Tovuz" "Sabah"ı qəbul edib.
Qarşılaşma paytaxt təmsilçisinin 3:2 hesablı qələbəsi ilə yekunlaşıb.
Bu nəticədən sonra xallarının sayını 16-ya çatdıran "Sabah" 7-ci pilləyə yüksəlib. Tovuz klubu 8-ci sıraya enib.