Fransanın paytaxtı Parisdə iqlim fəalları hökumətin iqlim dəyişikliyi ilə mübarizədəki fəaliyyətsizliyinə cavab olaraq Yelisey sarayının yaxınlığındakı meydanı narıncı rəngə boyayıblar.
“Qafqazinfo” xarici KİV-ə istinadən xəbər verir ki, “Derniere Renovation” iqlim icmasına dəstək verən 6 iqlim fəalı üzərində “Sizin cinayətləriniz, bizim ölülərimiz” yazılmış köynəklər geyiniblər.
İcmanın X sosial media platformasından verilən açıqlamada Fransada həddindən artıq isti havaya diqqət çəkilib.
Açıqlamada hökumət iqlim böhranı ilə bağlı heç bir güclü addım atmamaqda ittiham edilib, bu vəziyyətin ən çox qurbanının vətəndaşlar olduğu bildirilib.
Milli mətbuatda yer alan xəbərə görə, 6 fəal hadisə yerində saxlanılıb.
Hadisənin baş verdiyi vaxt Yelisey sarayında Nazirlər Şurasının iclasının keçirildiyi deyilir.
