Hatayda baş verən zəlzələdə yaralananların sayı 560-ı ötüb

Fevralın 20-də Türkiyənin Hatay vilayətində baş vermiş zəlzələdə 6 nəfər ölüb, 562 nəfər yaralanıb.

AZƏRTAC Anadolu Agentliyinə istinadla xəbər verir ki, bunu daxili işlər naziri Süleyman Soylu bildirib. O, yaralılardan 18 nəfərin vəziyyətinin ağır olduğunu deyib.

Xatırladaq ki, fevralın 20-də yerli vaxtla saat 20:04-də Türkiyənin Hatay vilayətində 6,4 bal gücündə zəlzələ olub. Saat 20:07-də isə bu vilayətin Samandağ rayonunda 5,8 bal gücündə zəlzələ baş verib.