Kuril adalarının sahili yaxınlığında zəlzələ baş verib.
XEBERTV.AZ Avropa-Aralıq dənizi Seysmoloji Mərkəzinin (EMSC) mütəxəssislərinə istinadla xəbər verir ki, yeraltı təkanlar yerli vaxtla saat 22:09-da (Bakı vaxtı ilə 15:09) qeydə alınıb.
Zəlzələnin maqnitudası 4,0-ə çatıb və seysmoloqlar bunu hiss olunan yeraltı təkan kimi qiymətləndirirlər.
Təbiət hadisəsinin episentri təxminən 3000 nəfərin yaşadığı Şikotan adasından 34 kilometr cənub-şərqdə yerləşib. Zəlzələnin ocağı yerin 50 kilometr dərinliyində qeydə alınıb. Zərərçəkənlər və dağıntılar barədə məlumat daxil olmayıb. Rusiya regionunda sunami təhlükəsi elan edilməyib.
