PKK-nın Suriya qolu YPG, druz və Əsəd tərəfdarı ilə birlikdə sentyabrın 1-də üsyan planlaşdırır.
Bu varədə “Türkiyə” qəzeti suriyalı mənbələrə istinadla məlumat yayıb.
Məlumata görə, məqsəd Suriya ordusunu üç cəbhədən zəiflətmək və Latakiya–Əs-Süveyda–Qamışlı xəttində əlaqə yaratmaqdır.
“Buna nail olmaq üçün minlərlə günahsız insanın qanını tökməyi gözə alıblar. “Suriya ordusu qırğın törədir” yalanı ilə beynəlxalq dəstək də axtaracaqlar. Onların son məqsədi üç müxtəlif cəbhədən atəş açaraq ordumuzu zəiflətməkdir. Digər məqsəd Latakiya-Suveyda-Qamışlı arasında əlaqə yaratmaqdır. Yəni İsraili Aralıq dənizindən Fərat çayına çatdırmaq. Planın əsl rəhbərləri Təl-Əviv və Netanyahu administrasiyasıdır. Bütün bunlardan xəbərdarıq və buna uyğun olaraq hazırlıqlarımızı edirik”, - mənbə bildirib.
