Rus işğalçı qüvvələri bütün cəhdlərə baxmayaraq, Zaporojye vilayətinin Kamenskoye yaşayış məntəqəsində möhkəmlənmək iqtidarında deyil.
XEBERTV.AZ xəbər verir ki, bu sözləri Ukraynanın Cənub Müdafiə Qüvvələrinin nümayəndəsi Vladislav Voloşin deyib.
O qeyd edib ki, rus hərbçiləri Ukrayna bölmələrini yaşayış məntəqəsindən sıxışdırıb çıxarmağa çalışır, lakin buna nail ola bilmir.
Onun sözlərinə görə, Ukraynanın mövqeləri Kamenskoyenin şimal və şimal-şərq kənarlarında qalmaqda davam edir:
“Biz bu qəsəbəyə girən bütün bu qrupları məhv etməyə çalışırıq. Orada döyüşlər davam edir. Biz düşməni bu qəsəbədən geri sıxışdırmağa çalışırıq".
