İsrail ordusu Tehranda İranın Silahlı Qüvvələrinin Rabitə Mərkəzinə zərbə endirdiyini açıqlayıb.
XEBERTV.AZ xəbər verir ki, bu barədə ordunun mətbuat xidməti məlumat yayıb.
“İsrailin Hərbi Hava Qüvvələri Kəşfiyyat İdarəsinin kəşfiyyat məlumatlarına əsasən, İran Silahlı Qüvvələrinin hərbi məqsədlər üçün istifadə etdiyi rabitə mərkəzini hədəfə alaraq dəqiq zərbə endirib”, - məlumatda bildirilib.
Məlumatı İranın dövlət teleradio yayımçısının binasının görüntüləri müşayiət edib.
Qeyd edək ki, bundan əvvəl İsrailin İranın dövlət televiziyasının binasını vurduğu anların görüntüləri yayılmışdı.
