Kremlin mətbuat katibi Dmitri Peskov Rusiya Prezidenti Vladimir Putinin ABŞ və İran arasında nüvə silahı üzrə danışıqlarda vasitəçi olmaq təklifini qəbul etməsi ilə bağlı məlumatı təsdiqləməyib.
XEBERTV.AZ Axar.az-a istinadən xəbər verir ki, bu barədə TASS məlumat yayıb.
“Xeyr, mən təsdiq edə bilmərəm”, - Kremlin sözçüsü jurnalistlərin müvafiq sualını cavablandırarkən deyib.
Qeyd edək ki, "Blumberq" ABŞ Prezidenti Donald Trampın fevral ayında rusiyalı həmkarı Vladimir Putinlə danışarkən, İranla bağlı vasitəçi olmağı xahiş etdiyi barədə məlumat yayıb.
