Ukrayna Prezidenti Vladimir Zelenskinin eks-prezident Mixail Saakaşvili ilə bağlı vəziyyətə görə səfirimizi Kiyevdən qovmaq qərarı Gürcüstan hakimiyyətinə qarşı təhqirdir.
XEBERTV.AZ xəbər verir ki, bunu hakim “Gürcü Arzusu – Demokratik Gürcüstan” partiyasının sədri İrakli Kobaxidze deyib.
“Şərh vermək istəmirəm, amma ümumilikdə Ukrayna hakimiyyətinin bu mövqeyi bizim üçün təhqiramizdir”, - o bildirib.
Kobaxidze qeyd edib ki, Gürcüstan Ukrayna ilə birtərəfli dostluq münasibətləri rejimini saxlamaq istəyir.
Xatırladaq ki, Zelenski Gürcüstanın keçmiş prezidenti Mixail Saakaşvili ilə bağlı vəziyyətə kəskin etirazını bildirərək, Tiflisin Ukraynadakı səfirinə ölkəni tərk etmək üçün 48 saat vaxt verib.
