Bakı – Quba yolunun “VAZ dairəsi” deyilən yerində aparılan son yenidənqurma işlərindən sonra yolun uzadılması sürücüləri, eləcə də Xırdalanda yerləşən “Gənclər şəhərciyi”nin 25 mindən çox əhalisini narazı salıb.
Sakinlər bildirirlər ki, onların problemləri dairənin dəyişdirilməsindən sonra daha da artıb. Əvvəl 3 km gedib sözügedən dairədən dönərək Bakıya gedə bilirdilərsə, indi əlavə daha 7-8 km yol qət etməlidirlər.
