İki gündən sonra Şuşada bərpa olunan enerji üzrə yeni müqavilə imzalanacaq.
Bunu Azərbaycanın energetika naziri Pərviz Şahbazov Bakıda keçirilən 27-ci Enerji Forumunda deyib.
Onun sözlərinə görə, belə müqavilələr Azərbaycanın bərpa olunan enerji sahəsində uzunmüddətli siyasətinin təminatçısıdır.
P.Şahbazov qeyd edib ki, eyni zamanda, bu, investorlar tərəfindən gözlənilən reaksiyadır, çünki bu gün Qarabağ və Şərqi Zəngəzur iqtisadi rayonlarının yaşıl enerji sektorunda böyük potensialı var.
"İndi biz enerji transformasiyasından keçirik. Azərbaycan üçün bu, yeni fəsildir. Yaşıl enerji, davamlı inkişaf və sıfır emissiya arzusu olan dünyada Azərbaycan bu sahədə əməkdaşlığa və inkişafa açıqdır", - o əlavə edib.
