Siyəzəndə avtobus aşıb
- 05.01.2023, 19:27,
- Hadisə
Bakı-Quba yolunun Siyəzən rayonu ərazisində keçən hissəsində yol-nəqliyyat hadisəsi baş verib.
AZƏRTAC xəbər verir ki, Qubadan Bakı istiqamətində hərəkətdə olan "Hyundai" markalı 50-EA-628 dövlət nömrə nişanlı sərnişin daşıyan avtobus yolun buz bağlaması səbəbindən aşıb. Belə ki, qarşısına mal-qara çıxdığı üçün sürücü avtomobili dayandırıb. Avtomobil dayanandan sonra sürüşməyə başlayıb və aşıb.
Hadisə zamanı sürücü və sərnişinlər arasında xəsarət alan olmayıb.
Reytinq: