FHN Kür çayında batması ehtimal olunan şəxsin axtarışlarını davam etdirir
- 04.01.2023, 06:58,
- Hadisə
Fövqəladə Hallar Nazirliyinin (FHN) dalğıc-axtarış qrupları ötən il dekabrın 21-də Kür çayının Tovuz rayonunun Qədirli kəndi ərazisindən keçən hissəsində batması ehtimal olunan 1974-cü il təvəllüdlü Məmmədov Eldəniz Mikayıl oğlunun axtarışlarını davam etdirir.
Nazirliyin mətbuat xidmətindən AZƏRTAC-a bildirilib ki, əlverişsiz hava şəraitinə baxmayaraq, FHN-in Xüsusi Riskli Xilasetmə Xidməti və Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupları vətəndaşın batdığı ehtimal edilən istiqamətlərdə axtarış-xilasetmə tədbirlərini həyata keçirirlər.
Reytinq:
