“Pumas” klubu tarixin ən titullu futbolçusu Alveslə müqaviləni ləğv edib
Braziliyalı müdafiəçi Dani Alves cinsi təcavüzdə təqsirli bilinərək saxlanıldığı üçün Meksikanın “Pumas” futbol klubu onunla müqaviləyə xitam verib.
AZƏRTAC xəbər verir ki, bu barədə İspaniyanın “Relevo” portalı klubun prezidenti Leopoldo Silvaya istinadən məlumat yayıb.
Silva mətbuat konfransında deyib: “Klub bu gündən etibarən üzrlü səbəbdən Alveslə müqaviləyə xitam vermək qərarına gəlib".
Qeyd edək ki, məhkəmə 2022-ci ilin dekabr ayının sonunda Alvesin Barselonada diskotekada bir qadına qarşı cinsi təcavüzü ilə bağlı araşdırmalara başlayıb. Dani Alves cümə günü saxlanılıb və məhkəmə qarşısında ifadə verib. Futbolçu bütün ittihamları rədd edir.
© Materiallardan istifadə edərkən hiperlinklə istinad olunmalıdır
Reytinq:
