Qazaxıstanın Akmola vilayətində yüngül mühərrikli təyyarə qəzaya uğrayıb.
Bu barədə Zakon.kz-a Nəqliyyatda Polis İdarəsinin mətbuat xidmətindən məlumat verilib.
Bildirilib ki, qəza nəticəsində iki nəfər ölüb.
Qeyd edilib ki, UP-LA-229 özəl yüngül təyyarəsinin qəzaya uğraması faktı ilə bağlı Astana stansiyasının polis xətti idarəsi tərəfindən Qazaxıstan Respublikası Cinayət Məcəlləsinin 344-cü maddəsinin 3-cü bəndi üzrə ibtidai istintaqa başlanılıb.
"İki nəfər - pilot və sərnişin həlak olub. Qəzanın səbəbləri müəyyənləşdirilir. Qazaxıstan Respublikası Cinayət-Prosessual Məcəlləsinin 201-ci maddəsinə uyğun olaraq digər məlumatlar açıqlanmır", - idarədən bildirilib.
Publika.az
