Rusiyanın Bolqarıstandakı səfiri Eleonora Mitrofanova insanların “Qatil” və “Bura Moskva deyil, bura Avropadır” qışqırmağa başlamasından sonra Sofiyadakı “500-cü meydan” Milli Qalereyasındakı sərgini tərk etmək məcburiyyətində qalıb.
XEBERTV.AZ Axar.az-a istinadən xəbər verir ki, martın 6-da səfirin Nyu Yorkdan olan anonim rəssamlar qrupunun “Gerrilla Girls” sərgisinə səfəri zamanı lentə alınan videonu “Azadlıq” radiosu yayıb.
Nataliya Todorova adlı etirazçı səfiri zalı tərk etməyə çağırıb və ona “Qatil!” deyib. Növbəti zalda isə daha böyük izdiham “Bura Moskva deyil” şüarını səsləndirib.
“Slava Ukraina” sədaları altında səfir ərazini tərk edib.
