XEBERTV.AZ   xəbər verir ki, bu barədə Sudan Fövqəladə Vəziyyət Komitəsi məlumat yayıb.

Bildirilib ki, RSF qüvvələri Sudanın Ağ Nil əyalətinin əl-Gitaina şəhəri ətrafındakı kəndlərə hücum edib. Qüvvələrin silahsız mülki vətəndaşları qətlə yetirdiyi, çox sayda insanı qaçırdığı və evləri qarət etdiyi bildirilir.

Son 3 gündə həyata keçirilən hücumlarda aralarında qadın və uşaqların da olduğu 200 nəfər həyatını itirib, yüzlərlə insan yaralanıb.

Qeyd edək ki, 2023-cü il aprelin 15-dən bəri Sudan ordusu ilə Çevik Dəstək Qüvvələri arasında baş verən qarşıdurmalarda minlərlə insan həlak olub.