Qətər İsrail və HƏMAS nümayəndələrinə Qəzzada atəşkəs rejiminin tətbiqi və girovların azad edilməsinə dair sazişin yekun layihəsini təhvil verib.
XEBERTV.AZ Axar.az-istinadən xəbər verir ki, bu barədə “Röyters” mənbələrə istinadla məlumat yayıb.
“Yanvarın 12-də axşam Qətərin Baş naziri və xarici işlər naziri Şeyx Məhəmməd bin Əbdül Rəhman əs-Sani MOSSAD rəhbəri David Barnea və ABŞ-ın yeni seçilmiş prezidenti Donald Trampın Yaxın Şərq üzrə xüsusi nümayəndəsi Stiven Uitkoffla danışıqlar aparıb. Gecə yarısından sonra məsləhətləşmələrdə irəliləyiş əldə edilib”, - məlumatda qeyd olunub.
