İsrail Fələstinin HƏMAS radikal hərəkatını məhv etmək üçün girovların azad edilməsindən sonra Qəzza zolağında döyüşləri davam etdirməyə hazırlaşır.
XEBERTV.AZ xəbər verir ki, bu barədə İsrailin baş naziri Benyamin Netanyahu Almaniyanın "Welt" telekanalına müsahibəsində bildirib.
"Biz razılaşdıq ki, qadın və uşaqlar, eləcə də əcnəbi girovlar əvvəlcə azad edilsin. Bu baş verəndən sonra biz hərbi əməliyyatları davam etdirəcəyik”, - deyə baş nazir bildirib.
Onun sözlərinə görə, İsrailin HƏMAS-ı məhv etməkdən başqa seçimi yoxdur.
Qeyd edək ki, noyabrın 28-də Fələstinin HƏMAS radikal hərəkatı Qəzza zolağında humanitar atəşkəsin yaxın gələcəkdə daha iki gün uzadılmasının mümkünlüyünü açıqlayıb .
