İsrail Müdafiə Ordusu Livan ərazisində hərbi obyektlərə yeni cavab zərbələri endirib.
XEBERTV.AZ xəbər verir ki, məlumatı İsrail Müdafiə Ordusunun mətbuat xidməti yayıb.
Bildirilib ki, noyabrın 14-də səhər saatlarında İsrailin şimalındakı Marqaliot, Ərəb əl-Aramşe, Yiftah, Şomera və Mattat bölgələrində Müdafiə Ordusunun mövqeləri tank əleyhinə raketlər və minaatanlardan atəşə tutulub.
İsrailin Müdafiə Ordusu öz növbəsində Livandakı hücumların başladığı yerləri hədəfə alaraq, Hizbullah qruplaşmasının mövqelərinə zərbələr endirib.
İnformasiyaya əsasən, İsrailə məxsus tank Livandan Yiftah yaşayış məntəqəsinə tank əleyhinə raketlər atmağa çalışan bir qrup silahlıya da hücum edib.
