Misli Premyer Liqasında qış "transfer pəncərəsi"nin əsas hadisəsi Aleksey İsayevin "Sabah"dan "Qarabağ"a keçməsi oldu.
XEBERTV.AZ xəbər verir ki, "köhlən atlar" yarımmüdafiəçi üçün "bayquşlar"a 500 min dollar ödədi. Bu transferlə bağlı redaksiyamıza maraqlı informasiya daxil olub. Sən demə, bu keçid təkcə qiyməti ilə yadda qalmayıb. "Qarabağ"la Aleksey arasında 36 səhifəlik sözləşmə imzalanıb. Burada müxtəlif şərtlər yer alıb. Sazişin yalnız 2 detalı bizə bəllidir. Əsas diqqət çəkən məqam oyunçunun sərbəstqalma dəyərinin olmamasıdır. Yəni, Aleksey İsayevi hansısa klub transfer etmək istəsə, "Qarabağ"la razılaşmalıdır.
Sazişin əsas şərtlərindən biri isə "Sabah"la görüşlərdə yarımmüdafiəçinin meydana çıxmayacağıdır. Bunu da Azərbaycan Kubokunun 1/4 final mərhələsinin ilk oyunundan sonra Qurban Qurbanov ictimaiyyətə özü açıqladı.
Sazişdə futbolçunun mövsüm ərzində göstərdiyi performans görə əlavə qazanc da əldə edəcəyi qeyd olunub.
Offsideplus.az
