Qeyri-adi sualtı park

OMA” arxitektura bürosu qeyri-adi – “ReefLine” sualtı park layihəsini tamamlamaq üzrədir.

AZƏRTAC xarici saytlara istinadla xəbər verir ki, sualtı qurğu dəniz dibinin topoqrafiyasına uyğun salınmış beton modul bloklardan ibarət olacaq və dəniz həyatı üçün süni rif rolunu oynayacaq.

Mütəxəssislərin fikrincə, uzunluğu 11,2 kilometr olan sualtı park Florida sahillərində dəniz ekosisteminin bərpası üçün əsas olacaq, həmçinin okeanın flora və faunasını öyrənəcək turistləri cəlb edəcək.

Layihə müəllifləri hesab edirlər ki, sualtı park həm də külli miqdarda gəlir gətirəcək.