Türkiyəli alimlər hələ 1926-1930-cu illərdə Mineral Tədqiqat və Kəşfiyyat Baş Müdirliyi tərəfindən aparılan neft axtarış işlərini nəzərdən keçirib. Alimlər onlarda “qara qızıl”ın olduğunu göstərən izlər aşkar ediblər.
XEBERTV.AZ xəbər verir ki, bu barədə Türkiyənin Gümüşxana Universitetinin alimləri məlumat yayıblar.
“1930-cu illərə aid neft kəşfiyyatı məlumatlarını araşdırdıqdan sonra Ərzincandakı potensial neft yataqlarını yenidən tədqiq etdik. Və belə nəticəyə gəldik ki, bölgədə tərkibində Rusiya nefti ilə oxşarlıq olan neft ola bilər. Aşağı Çimaqıl kəndində aparılan tədqiqatlar suyun səthində neft damcılarının və davamlı karbohidrogen qoxusunun olduğunu göstərib. Potensial mənbənin gələcək kəşfiyyatı, bölgədə hərtərəfli geoloji və dərin seysmik tədqiqatlarını əhatə edəcək neft şirkəti “Türk Petrolları”na həvalə ediləcək”, - onlar bildiriblər.