BAKI-XEBERTV.AZ
Qlobal forum ərəfəsində medianın rolu və informasiya mühiti
Ümumdünya Şəhərsalma Forumu ərəfəsində beynəlxalq tədbirlərin effektiv işıqlandırılması məsələsi aktuallaşır. Bu kontekstdə medianın rolu yalnız xəbərlərin yayılması ilə məhdudlaşmır, həm də ictimai məlumatlandırma və maarifləndirmə funksiyasını əhatə edir.
BMT-nin Məskunlaşma Proqramı (UN-Habitat) tərəfindən təşkil edilən forumun yaxın zamanda keçirilməsi gözlənilir. Hazırlıq dövründə informasiya axınının düzgün və ardıcıl qurulması xüsusi əhəmiyyət daşıyır.
Analitiklərin fikrincə, belə qlobal platformalar ərəfəsində media həm yerli, həm də beynəlxalq auditoriya üçün əsas informasiya mənbəyi rolunu oynayır. Operativ və obyektiv materiallar forumun məqsədləri və gözlənilən nəticələri barədə aydın təsəvvür formalaşdırır.
Eyni zamanda, maarifləndirici məzmun şəhər inkişafı, davamlılıq və innovativ yanaşmalarla bağlı anlayışların cəmiyyətə daha geniş çatdırlımasına imkan yaradır.
Azərbaycan mediası da qarşıdakı tədbir ərəfəsində informasiya mühitində fəallığını artırır. Yerli media qurumlarının beynəlxalq gündəmə uyğun materiallar hazırlaması ölkənin qlobal informasiya axınında mövqeyini gücləndirir.
Rəqəmsal platformaların geniş imkanları isə məlumatların daha sürətli və geniş coğrafiyada yayılmasına şərait yaradır.
Beləliklə, Ümumdünya Şəhərdalma Forumu ərəfəsində media informasiya ötürülməsi ilə yanaşı, həm də maarifləndirmə və qlobal kommunikasiya prosesinin əsas iştirakçılarından biri kimi çıxış edir.
Billurə Hüseyn
