Şəkərli içkilər və yarımfabrikat ətlər bir insanın həyatından təxminən 10 il alır.
XEBERTV.AZ xəbər verir ki, təxminən yarım milyon britaniyalının rasionunu tədqiq etdikdən sonra Norveçin Bergen Universitetinin qidalanma professoru Lars Fadnes bu nəticəyə gəlib.
Onun sözlərinə görə, qazlı içki və kolbasadan imtina edən tədqiqat iştirakçıları bu məhsulları istehlak etməyə davam edənlərdən 10,8 il daha çox yaşayıblar. Ekspert aydınlıq gətirib ki, sağlam insanlar sağlam olmayan yağları və qəlyanaltıları meyvə, tərəvəz və qoz-fındıqla əvəz ediblər. Əsasən 40 yaşında sağlam qidalanmağa başlayanlar yaxşı nəticələr əldə ediblər.
"70 yaşda rasionunu dəyişən könüllülərdə dəyişiklik daha az olub, lakin yenə də əhəmiyyətli nəticələr əldə olunub. Konkret olaraq, zərərli qidalardan qaçan kişilət ömürlərini 5,4 il, qadınlar isə 5 il artırdılar", - "Pronews" a danışan professor qeyd edib.
