Amerikalı milyarder, ABŞ Hökumət Səmərəliliyi İdarəsinin (DOGE) rəhbəri İlon Mask “Oscar” mükafatlandırma mərasimində özbaşınalığın hökm sürdüyünü bildirib.

XEBERTV.AZ  xəbər verir ki, o, bu barədə “X” sosial şəbəkə hesabında yazıb.

İstifadəçilərdən birinin Amerika Kinoakademiyasının mükafatlandırma mərasimində inklüziya və müxtəlifliklə bağlı sərt qaydaların tətbiq olunması ilə bağlı iddialarına Mask belə cavab verib: “Bu tam hərcmərclikdir. “Oscar” mərasimində ən yaxşı filmlər mükafat almalıdırlar, ən yaxşı ulduzu olan filmlər yox”.

Qeyd edək ki, “ən yaxşı film” kateqoriyasında nominantların aktyor seçiminə xüsusi diqqət yetirildiyi bildirilir. Filmin kastinqinin azı 30 faizini irqi, milli, gender azlıqları və fiziki məhdudiyyətli insanlar təşkil etməlidir.

publika.az