16:07
Ukraynanın Çerniqov vilayətinə ballistik raketlərlə hücum olub.
XEBERTV.AZ xəbər verir ki, bu barədə ölkənin daxili işlər naziri İqor Klimenko bildirib.
O qeyd edib ki, hadisə nəticəsində 7 nəfər ölüb, 90 nəfər isə yaralanıb:
“Yaralananlardan 10-u polis, 12-si isə uşaqdır”.
***
Ukraynanın Çerniqov vilayətinə raket hücumu nəticəsində yaralananların sayı 117-yə çatıb.
Bu barədə “RBK Ukraina” məlumat yayıb.
***
Rusiya hərbçiləri Çerniqov şəhərinin mərkəzini “İsgəndər” tipli raketlə vurublar.
Bu barədə Çerniqov vilayəti Hərbi Administrasiyasının rəhbəri Vyaçeslav Çaus məlumat verib.
"Rusiyanın "İsgəndər" raketi ilə endirdiyi raket zərbəsi nəticəsində 7 nəfər həlak olub, 128 nəfər tibbi yardım üçün müraciət edib. Onların əksəriyyətinə ambulator yardım göstərilib, bundan sonra insanlar evlərinə buraxılıb", - deyə Çaus əlavə edib.
***
Çerniqov vilayətinə raket hücumu nəticəsində yaralıların sayı 140-a çatıb.
Bu barədə Çerniqov vilayəti Hərbi Administrasiyasının rəhbəri Vyaçeslav Çaus məlumat verib.
O qeyd edib ki, 140 nəfərdən 41-i xəstəxanaya yerləşdirilib.
axar.az
