Ukrayna lideri Volaodimir Zelenski Türkiyə Prezidenti Rəcəb Tayyib Ərdoğana müraciət edərək ondan kömək istəyib.
XEBERTV.AZ xəbər verir ki, bu barədə "CNN Türk" məlumat yayıb.
Zelenskinin sözlərinə görə, o, Rusiya lideri Vladimir Putinlə görüşün təşkilində Türkiyə Prezidentinin dəstəyinə ümid edir. O, İstanbulun Ukrayna ilə bağlı danışıqlarda praktik və real vasitəçi olduğunu bildirib.
“Bilirəm ki, Prezident Ərdoğan Putinlə əlaqə saxlayır. Buna görə də görüşün Türkiyədə keçirilməsini dəstəkləyirik”, – deyə Zelenski izah edib.
Bundan əvvəl Ukrayna ilə bağlı danışıqlarda Avropadan iştirak edə biləcək ölkələrin adları açıqlanıb. Bildirilib ki, bu danışıqlarda Fransa, Almaniya və Böyük Britaniya təmsil oluna bilər.
