Ötən gün Ermənistana Avropa Siyasi Birliyinin 8-ci sammitində iştirak üçün səfər edən Fransa Prezidenti Emmanuel Makron Gümrüyə gedib.
XEBERTV.AZ xəbər verir ki, Makron Gümrüdəki Vardanants meydanında Ermənistan-Fransa münasibətlərinə həsr olunmuş "Musiqi Körpüsü" adlı bayram konsertinə qatılıb.
Tədbirdə Ermənistan Baş naziri Nikol Paşinyan, Prezident Vaaqn Xaçatryan və digər yüksək vəzifəli Ermənistan rəsmiləri iştirak ediblər.
Qeyd edək ki, Rusiyanın 102-ci bazası Gümrü şəhərində yerləşir. Məhz bu şəhərdə Ermənistan-Fransa münasibətlərinə həsr edilən konsertin təşkili təsadüf deyil.
