BAKI-XEBERTV.AZ
Mart ayının 7-də Yardımlı şəhər 1N-li tam orta məktəbində görüş keçirdik.
Məktəbin direktoru Nəsimi Qurbanov bizi təhsil ocağı ilə tanış etdi.
Biz 3A və 3B sinfində dərs prosesi zamanı şagirdlərin vətənpərvər ruhlu
şeirlərini dinlədik. Məktəbdə 8 Mart Beynəlxalq Qadınlar Günü münasibəti ilə
bayram tədbiri keçirildi. Məktəbin direktoru Nəsimi Qurbanov tədbirdə çıxış edərək, tədbiri açıq elan etdi.Təşkilatçı müavin
Babayev Taleh, 3A sinfinin müəllimi Eyvazov Eyvaz, 3B sinfinin müəllimi
Cahangirova Mətanət digər xanım müəllimləri və şagirdlərin
bayram münasibəti təbrik etdilər. Onlara xoş arzular, ürək sözlərini çatdırdılar. Daha sonra tədbirin aparıcıları
8 Mart Beynəlxalq Qadınlar Gününün yaranması tarixi ilə müxtəlif ölkələrdə keçirilməsi ənənəsi haqqında tədbir iştirakçılarına məlumat verdilər. Tədbirin davamında şagirdlər maraqlı musiqi, rəqs, şeir nümunələri ilə
şənliyə rəng qatdılar. Sonda tədbir musiqi ifası ilə başa çatdı.
Məqaləni hazırladı : Paşa Mamedov
