Serbiya ilə bunları həyata keçirəcəyik - Kurti
Kosova Serbiya ilə münasibətlərin normallaşdırılmasına yönəlmiş razılaşmanın bir hissəsi kimi üzərinə götürdüyü tədbirləri həyata keçirəcək.
XEBERTV.AZ Axar.az-a istinadən xəbər verir ki, bunu Kosovanın Baş naziri Albin Kurti deyib.
"Əgər bizə bir dövlət kimi davranılmasını istəyiriksə, eyni zamanda dövlət kimi tanınmaq məqsədimiz varsa, razılaşdığımız beynəlxalq müqavilələrə bağlı qalmaqdan qaça bilmərəm”, - o bildirib
Əldə edilən razılaşmalara əsasən, Kosova ölkənin serblərin çoxluq təşkil etdiyi bölgələrinə daha çox muxtariyyət verməyi öhdəsinə götürür və Serbiya Kosovanın beynəlxalq təşkilatlara üzvlüyünə mane olmamağa razıdır.
Qeyd edək ki, Priştina və Belqrad ötən şənbə günü 1990-cı illərin sonundakı müharibədən və onilliklər boyu davam edən gərginlikdən sonra münasibətləri yaxşılaşdırmaq üçün Qərbin dəstəklədiyi planı həyata keçirmək barədə şifahi razılığa gəliblər.
