Rusiya Prezidenti Vladimir Putin batiskafla Fin körfəzinin dibinə dalacaq.
XEBERTV.AZ xəbər verir ki, Putin II Dünya müharibəsində burada batmış Ş-308 “Semqa” sualtı qayığına baxacaq. Vladimir Putinin “C-Explorer 3” aparatında körfəzin dibinə dalması yarım saat davam edəcək. Onun olduğu aparat 50 metr dərinliyə dalacaq. Rusiya Prezidentinin suyun altında olduğu vaxt dalğıclardan biri orada xatirə lövhəsi yerləşdirəcək. Bundan sonra bütün işıqlar söndürüləcək və həlak olmuş dənizçilərin xatirəsi bir dəqiqəlik sükutla yad ediləcək.
Körfəzin dibinə dalma prosesinin başlamasından əvvəl dövlət başçısına və onu müşayiət edən Müdafiə naziri Sergey Şoyquya sualtı qayığın keçdiyi döyüş yolu barədə məlumat verilib. Vurğulanıb ki, bir neçə düşmən gəmisini məhv edən Ş-308 “Semqa” sualtı qayığı 1942-ci il oktyabrın 26-da mərmi zədəsi alıb və körfəzdə batıb. Onun 40 nəfərlik ekipaj üzvlərinin hamısı həlak olub.
***
Rusiya Prezidenti Vladimir Putin Qoqland adasına səfəri zamanı XIX əsrdə batmış gəmidən çıxarılan nadir əşyalara baxış keçirib.
Məlumata görə, gəmidən çıxarılan kolleksiyanı Putinlə birlikdə Müdafiə naziri Sergey Şoyqu da incələyib.
Rusiya Coğrafiya Cəmiyyətinin nümayəndəsi Roman Proxorov isə adanın sahillərində qəzaya uğrayan gəminin ingilis donanmasına aid olduğunu bildirib.axar.az
