Xəbər lenti
Axtar
Ən çox oxunan
  • Ermənilər Laçını minalayır: Bakı NƏ ETMƏLİDİR?
  • Zəngilanın baş planı açıqlandı
  • Azərbaycan-Türk Xalqları Qardaşlığı İctimai Birliyinin rəhbərliyi Balakən rayonunda işgüzar səfərdə olub
  • Bu gün milli mətbuatımızın banisi Həsən bəy Zərdabinin doğum günüdür
  • NASA astronavtı kosmosda torpaqsız bitki yetişdirdi
  • Mehriban Əliyevadan Silahlı Qüvvələr Günü ilə bağlı PAYLAŞIM
  • Prezident Silahlı Qüvvələr Günü münasibətilə paylaşım etdi - FOTO
  • Türk dünyası ilə bağlı dərsliklər qəbul edildi - FOTO
  • Xaricdə təhsil almaq istəyənlərin nəzərinə...
  • İlham Əliyev: "Özbək və Azərbaycan xalqları bir yumruq kimi birlikdə olacağıq"
  • Şok iddia: ölülərlə danışmaq mümkün olacaq
  • Xaricdən idarə olunan feyk hesablarla şantaj halları var - XƏBƏRDARLIQ
  • İlkin Süleymanovun məhkəməsi: Nərmin Quliyevanı sonuncu dəfə görən şahid DANIŞDI
  • Rövşən Əkbərovun səhhətində PROBLEM YARANDI
  • ŞƏHİD İLQAR VERDİYEVİN "ANDINA SADİQ OĞUL"FİLMİNİN TƏQDİMAT MƏRASİMİ KEÇİRİLİB
  • "Əziz Şuşa, Sən Azadsan!".
  • Fitrə zəkatı nə qədər verilməlidir? - Video
  • İlham Əliyev Emmanuel Makronu təbrik etdi
  • “WhatsApp”a yeni funksiya əlavə edilib - Gizli fotolara giriş...
  • Soyqırımdan danışanlar Xocalıya baxsınlar – Hulusi Kılıç
  • "Azərbaycan-Türk Xalqları Qardaşlığı" İctimai Birliyinin fəaliyyətindən bəhs edən jurnalın təqdimatı keçirildi
  • Dünya azərbaycanlılarının Şuşa Zirvəsi: Diasporumuzun tarixi inkişaf yolu
  • Qədr gecələri nə vaxtdır? - QMİ
  • Deputat: "Operativ Qərargahdan xoş xəbərlər veriləcək" - VİDEO
  • Azərbaycanla 10 mühüm saziş imzalandı - Japarov
  • 02 Mayıs 2020, 20:39   
        363


    Novruzovun anonsu: hansı nazir və komitə sədri həbs ediləcək?

    Cənab Prezidentin xəbərdarlığı təkcə yerli icra hakimiyyəti orqanları üçün deyil, eyni zamanda, mərkəzi icra hakimiyyəti orqanları üçün də bir mesaj mahiyyəti daşıyır.

    XEBERTV.AZ xəbər verir ki, bu sözləri Axar.az-a açıqlamasında millət vəkili Elman Nəsirov Prezident İlham Əliyevin mayın 1-də Azərbaycan Respublikasının Baş prokuroru Kamran Əliyevi videoformatda qəbulu zamanı etdiyi çıxış haqda danışarkən deyib. O bildirib ki, bu görüşdə cənab Prezident, xüsusilə, hüquq-mühafizə orqanları sahəsində çox ciddi islahatların aparılmasının zəruri olduğunu qeyd etdi:

    “Kamran Əliyevin 30 illik təcrübəsi bu sahədə islahatların həyata keçirilməsində faydalı olacaq. Xüsusilə, ölkə başçısı görüş zamanı bəzi məmurlara sərt xəbərdarlıq etdi. Çünki son proseslər bir daha onu göstərir ki, bəzi məmurlar ölkə başçısının sözlərindən nəticə çıxarmayıb. Korrupsiya və rüşvətxorluq əməllərindən bəzi məmurlar əl çəkmək istəmirlər. Canab Prezident həbs olunan icra başçılarını xatırladaraq, bu halların mərkəzi icra orqanlarında, bəzi nazirliklərdə də yaşandığı haqda məlumatlar olduğunu və araşdırmalar getdiyini vurğuladı. Xüsusilə, Prezidentin bu məsələyə toxunması korrupsiyaya qarşı qəti mövqeyinin ifadəsidir. Rüşvət yolu ilə insanların vəzifəyə təyin edilməsi, haqsız yerə vəzifədən çıxarılması və digər faktlar ciddi araşdırılır”.

    E.Nəsirov qeyd edib ki, Prezidentin nitqindəki bir məsələ bu gün sosial şəbəkələrdə də ciddi müzakirə formasındadır:

    “Bu məsələyə Yeni Azərbaycan Partiyasının (YAP) İcra katibinin müavini, Milli Məclisin Regional məsələlər komitəsinin sədri Siyavuş Novruzov da parlamentdə çıxış edərkən geniş yer ayırdı. Söhbət ondan gedir ki, korrupsiyaya bulaşan, rüşvətlə insanları işə götürən, öz yaxınlarına yüksək vəzifə verən komitə rəhbərləri var. Həmçinin bəzi yüksək vəzifəli məmurlar haqqında artıq müvafiq araşdırmalar aparılır. Bu mənada onları da oxşar tale gözlədiyini demək olar”.

    Məsələ ilə bağlı saytımıza danışan YAP-çı deputat Aydın Mirzazadə deyib ki, Azərbaycan Prezidenti İlham Əliyev dəfələrlə məmur və vəzifəli şəxslərə xəbərdarlıq və onları vəzifələrinə məsuliyyətlə yanaşmağa, korrupsiyaya yol verməməyə çağırıb:

    “Çox təəssüf ki, cənab Prezidentin xəbərdarlıqlarına baxmayaraq, bəzi vəzifəli şəxslər öz vəzifələrinə çox məsuliyyətsiz şəkildə yanaşırlar. Nəticə isə göz qabağındadır. Dörd icra başçısı və onların tabeliyində olan şəxslər korrupsiya faktları ilə məsuliyyətə cəlb edilib. Xüsusilə də koronavirus pandemiyasında vətəndaşa ayrılan dövlət dəstəyinin məsimsənilməsi qəbuledilməz haldır. Bu məsələlər cənab Preidentin hər zaman diqqət mərkəzindədir. Dünən Baş prokuror Kamran Əliyevi videoformatda qəbul edərkən Prezidentin bu məsələni xüsusilə qabartması isə onun siyasi iradəsini və qətiyyətini göstərməklə, bu neqativ hallara qarşı daha sərt addımların atılacağının anonsu idi”.

    Qeyd edək ki, Prezident İlham Əliyev ötən gün yeni təyin edilən Baş prokuror Kamran Əliyevi qəbul edərkən bəzi nazirliklərdə rüşvət hallarının olması və araşdırma getdiyi haqda danışıb və qəti ölçülər götürüləcəyini xatırladıb.

    YAP İcra katibinin müavini, millət vəkili Siyavuş Novruzov isə “korrupsiyaya bulaşan, rüşvətlə insanları işə götürən, öz yaxınlarına yüksək vəzifə verən nazirlər, komitə rəhbərlərinin” olduğunu və onların həbs ediləcəyini bildirib.
    loading...