Göyçay Rayon İcra Hakimiyyətinin göstərişi ilə sakinlərin evləri məcburi sökülür. - ÖZBAŞINALIQ

BAKI-XEBERTV.AZ
Göyçay Rayon İcra Hakimiyyətinin göstərişi ilə sakinlərin evləri məcburi sökülür. - ÖZBAŞINALIQ

Göyçay Çayının ətrafında yaşayan çarəsiz sakinlər ölkə rəhbəri cənab İlham Əliyevdən və birinci vitse-prezident Mehriban xanım Əliyevadan kömək istəyirlər.

Göyçay Rayon İcra Hakimiyyəti başçısı Natiq Ağayevin göstərişi ilə rayon ərazisindən keçən Göyçay Çayının ətrafında yaşayan sakinlərin evləri zorla sökülür. Məhkəmə qərarı olmadan və sakinlərə dəymiş ziyan ödənilmədən sökülən mülklərdə "park" salınması nəzərdə tutulur. Halbuki, vətəndaşların bildirdiyi kimi, əvvəllər bu yerlər zibilxanalıqlar olub, lakin orada məskunlaşan insanlar öz vəsaiti hesabına yola çınqıl daşlar tökdürüb səhmana salıblar. Banklardan kredit götürməklə borc-xərc edib ev tikiblər, yaşıllıq salıblar. İndi isə Göyçay Rayon İcra Hakimiyyəti insanların əzab-əziyyətlərlə mülkləri özününküləşdirmək istəyir. Olduqca çarəsiz vəziyyətdə olan insanlar videomüraciət edərək mətbuat vasitəsilə ölkə başçısından və birinci vitse-prezidentən kömək istəyirlər.