Petrosyan bunun üçün hər şeyi edəcək - Akopyan

Ermənistanın ilk prezidenti Levon Ter-Petrosyan rəhbərlik etdiyi Erməni Milli Konqres Partiyasının parlamentdə mandat əldə etməsini təmin etməyə çalışır. Hazırkı bəyanatlarının hamısına seçki yarışı prizmasından baxmaq lazımdır.

XEBERTV.AZ xəbər verir ki, bunu erməni siyasi strateq Vigen Akopyan Ter-Petrosyanın respublikanın hazırkı rəhbərliyinin siyasəti ilə bağlı açıqlamalarını şərh edərkən deyib.

“Erməni Milli Konqresi Partiyası erkən parlament seçkilərində iştirak etmək qərarı verib. Bu səbəbdən eks-prezident partiyanın lideri və əsas hərəkətverici qüvvəsi olaraq kifayət qədər ciddi bir yük götürür: buna ideoloji məna verməklə yanaşı, köhnə yanaşmalarını yenidən seçicilərə çatdırmağa çalışır. Ter-Petrosyan partiyanın minimum həddi aşması üçün mümkün olan hər şeyi edəcək və onun sözügedən müsahibəsi müəyyən bir məqsəd güdür.

Bu, Ermənistanda işləyə bilər, amma beynəlxalq arenada deyil”, - Akopyan söyləyib.

Qeyd edək ki, Levon Ter-Petrosyan erməni mediasına (“1Lurer” informasiya agentliyinə) geniş müsahibəsində Qarabağ müharibəsi ilə yanaşı, ölkədəki siyasi vəziyyət barədə danışıb.Axar.az