Xəbər lenti
Axtar
Ən çox oxunan
  • Cəbhədən son xəbərlər: Daha 13 kənd işğaldan azad edildi
  • Raket hücumu zamanı bərdədə yaralanan şəxslərin adları AÇIQLANDI - FOTO/SİYAHI
  • “Google” sərhəddə sifəti tanıyacaq
  • Ermənistanın Bərdəyə atdığı raketin adı açıqlandı
  • Müdafiə Nazirliyində Bərdəyə raket hücumu və cəbhədəki son vəziyyətlə bağlı brifinq - CANLI
  • Düşmən geri oturduldu, qərargah rəisi məhv edildi - Video
  • Ermənistan Bərdəni bu raketlə vurub
  • Qubadlı rayonunun Xanlıq kəndi
  • Hikmət Hacıyev: "Yaşayış məntəqələrimizə 200-dən artıq mərmi atılıb"
  • Prezidentdən ŞAD XƏBƏR: Kəlbəcər və Qubadlının bir hissəsi azad edildi
  • Tarix yazan qəhrəmanlarımız - Foto
  • Azərbaycan bayrağı Zəngilanda ucaldı - Video
  • Hərbçimiz 27 il sonra Füzulidəki evində - Video
  • Daxili İşlər Nazirliyi əhaliyə müraciət etdi
  • Erməni terroru nəticəsində həlak olan beş nəfərlik ailə... - VİDEO
  • Düşmən qaçır: “ağ bayraq”ları ləkəli deyilmi?
  • Ermənilər Xızıya raket atdı
  • Xocalının qısası alındı: Daha bir qatil məhv oldu
  • Hadrutun yeni videogörüntüləri yayıldı - VİDEO
  • Ordumuzun uğurlu əməliyyatları davam edir - Polkovnik
  • TƏCİLİ: Düşmən yaşayış məntəqələrimizi ATƏŞƏ TUTUR
  • Azərbaycan ordusu Şuşaya doğru – İşğalçıların böyük təşvişi
  • Ermənistan itkilərinin sayını açıqladı
  • İşğaldan azad olunan ərazilərdə əhalinin sayı açıqlandı
  • Torpağından qovulan uşaq tankla qayıtdı - Foto
  • 20 Eyl 2020, 20:31   
        67

    BAKI-XEBERTV.AZ

    “Paşinyan, ağıllı ol, əks halda Ermənistanın dövlət kimi varlığına son qoyula bilər...”


    “Paşinyan hakimiyyəti Prezident İlham Əliyevin mesajından lazımi nəticələr çıxarmalı və ilk öncə Azərbaycanın beynəlxalq birlik tərəfindən tanınan ərazilərdən çəkilməli, mehriban qonşuluq şəraitində yaşayışı təmin etmək naminə illər öncə indiki Ermənistan ərazilərindən çıxarılan azərbaycanlıların dədə-baba yurduna qayıtmasına zəmanət verməlidir”.

    Bunu Azərbaycan Milli Məclisinin vitse-spikeri Adil Əliyev prezident İlham Əliyevin Az.TV-yə dünən verdiyi açıqlamanı şərh edərkən deyib.

    Onun sözlərinə görə, regionda mehriban qonşuluq şəraitdə yaşamaq ilk öncə rəsmi İrəvana sərf edər: “Əks halda bölgədə dəyişilən geopolitik balans Ermənistanın bir dövlət kimi sıradan çıxması ilə nəticələnə bilər”.

    Vitse-spikerin önəmli mesajlar ehtiva edən açıqlamasını olduğu kimi təqdim edirik:

    “Prezident İlham Əliyev ötən gün “Abşeron” yatağının dəniz əməliyyatlarının təməlqoyma mərasimindən sonra Az.TV-yə verdiyi geniş müsahibəsində bir çox mətləblərdən danışdı. Onun üzərində dayandığı əsas məsələlərdən biri də Azərbaycanın təhlükəsizliyi və müdafiəsi ilə əlaqədar idi.

    Prezident ermənilərin Tovuz hücumundan sonra alınan tədbirlər sayəsində ordumuzun Ermənistan ərazisinə keçəcək qədər mühüm hərbi fürsət əldə etdiyini, amma başqa ölkənin torpaqlarında gözümüz olmadığından bu fürsətdən yararlanmadığını açıq şəkildə bəyan etdi. Onun sözlərinə görə, Azərbaycan ordusunun bu təmkini sərhədsiz deyil və Ermənistan əgər bu cür təcavüzlərinə davam edərsə, Azərbaycan öz ərazilərinin, habelə Gəncə keçidindən keçən beynəlxalq enerji və kommunikasiya xətlərinin müdafiəsi üçün zəruri tədbirlər barədə düşünə bilər. Zənnimcə, bu, Prezident İlham Əliyev tərəfindən verilən çox ciddi mesajdır və Azərbaycanın tarixi şərait yaranan kimi öz əzəli torpaqlarını geri qaytarmaq barədə düşünəcəyinin qəti şəkildə ifadəsidir.

    Sirr deyil ki, Ermənistan adlandırılan həmin ərazilər bir zamanlar İrəvan xanlığına aid olub, Çar və Sovet Rusiyasının yardımı ilə bölgənin yerli əhalisi öz dədə-baba yurdlarından çıxarılaraq, orda ermənilər məskunlaşdırılıb. Bu gün də həmin ermənilər öz xarici havadarlarına güvənərək, daha doğrusu, onların diktəsi ilə regionun digər dövlətlərinə, o cümlədən Türkiyə və Gürcüstana qarşı ərazi iddiaları irəli sürürlər. Bu da regionda sabitliyin pozmasına zəmin hazırlayır və nəticədə dünyanın enerji təhlükəsizliyi və qlobal ticarət layihəsi olan Yeni İpək Yolunun həyata keçirilməsi üçün ciddi əngələ çevrilib. Dolayısıyla bölgədə stabilliyin qorunması təkcə Azərbaycanın və regionun deyil, həm də dünyanın ən vacib problemi kimi ortaya çıxıb.

    Prezident də müsahibəsində bu məqama diqqət çəkərək İrəvana ciddi mesajlar göndərdi. Fikrimcə, Paşinyan hakimiyyəti bu mesajdan lazımi nəticələr çıxarmalı və ilk öncə Azərbaycanın beynəlxalq birlik tərəfindən tanınan ərazilərdən çəkilməli, mehriban qonşuluq şəraitində yaşayışı təmin etmək naminə illər öncə indiki Ermənistan ərazilərindən çıxarılan azərbaycanlıların dədə-baba yurduna qayıtmasına zəmanət verməlidir. Əks halda bölgədə dəyişilən geopolitik balans Ermənistanın bir dövlət kimi sıradan çıxması ilə nəticələnə bilər. Bu baxımdan regionun digər ölkələrinə qarşı ərazi iddialarından vaz keçmək, mehriban qonşuluq şəraitində birgə yaşayışı təmin etmək hər kəsdən çox Ermənistana lazımdır. Nə yazıq ki, Prezidentin də dediyi kimi Sorosun və başqa böyük dövlətlərin nökərinə çevrilən İrəvan hakimiyyəti rasional düşünmə qabiliyyətini itirib və ağalarının əmrlərini icra etməklə öz xalqını kimlərinsə imperialist maraqlarının qurbanına çevirib.
    moderator.az
    loading...